Preguntas frecuentes

A garantía do FGD farase efectiva se algunha das entidades adheridas ao FGD ten problemas e se declara que non pode devolver o diñeiro aos seus clientes.

A garantía do FGD farase efectiva se algunha das entidades adheridas ao FGD ten problemas e se declara que non pode devolver o diñeiro aos seus clientes.

Isto afectaría aos depósitos realizados nos tres meses anteriores á data na que se determine que a entidade afectada non pode devolver os depósitos que:

• procedan de transaccións con bens inmobles de natureza residencial e carácter privado.
• os que se deriven de pagos recibidos de forma puntual e vinculados ao matrimonio, ao divorcio, á xubilación, ao despedimento, á invalidez ou ao falecemento.
• ou os que estean baseados no pago de importes procedentes de seguros ou indemnizacións por prexuízos que sexan consecuencia dun delito ou erro xudicial.

No caso de diñeiro depositado nunha moeda diferente ao euro, o importe garantido será o seu equivalente aplicando o tipo de cambio vixente na data en que se estableza que a entidade non pode devolver o diñeiro ou do día hábil anterior cando fose festivo.

Que NON está garantido polo FGD?

O FGD non garante determinados tipos de depósitos, fundamentalmente aqueles para os que a entidade afectada non aseguraba a devolución íntegra do seu nominal, ou a determinadas sociedades, como por exemplo empresas aseguradoras ou sociedades de investimento mobiliario.

En xeral, o FGD cobre todos os depósitos nos que se garante a devolución do 100% do seu capital como, por exemplo: contas correntes, contas ou libretas de aforro, depósitos de aforro, depósitos á vista ou a prazo fixo, imposicións a prazo, …, entre outros.

No caso dos depósitos estruturados estarán cubertos, como se dixo antes, sempre e cando se garanta a devolución ao vencemento do 100% do capital depositado.

É importante ter en conta que a garantía do FGD só cobre os depósitos ata o límite establecido pola normativa.

Antes de contratar un depósito monetario, as entidades de crédito teñen que informar os seus clientes sobre as características e os límites de cobertura que ofrece o fondo de garantía ao que está adherida.

Ademais, cada ano as entidades informarán os seus clientes a través dos extractos de conta se os depósitos están cubertos polo FGD.

E lembra, as entidades de crédito en España están obrigadas a ter esta información dispoñible nas súas oficinas e páxinas web para poder consultala en calquera momento, especificando o importe e o alcance da cobertura ofrecida.

Se operas coa túa entidade de crédito por internet, a información sobre o fondo de garantía enviaraseche electrónicamente.

Pero se prefires recibila en papel, terás que pedilo expresamente á túa entidade de crédito.

O FGD garante a non devolución de accións, participacións en fondos de investimento ou outros valores financeiros confiados a entidades de crédito adheridas, e depositados en España ou noutro país do mundo ata un importe de 100.000 € por depositante e entidade, con algunhas excepcións, como por exemplo, os valores confiados para realizar servizos de investimento en países que sexan paraísos fiscais.

O FGD non cobre as perdas de valor dos títulos citados, só a non devolución destes.

Esta cobertura é independente da dos depósitos en diñeiro.

O importe garantido calcularase de acordo co valor de mercado na data en que se determine que a entidade non pode devolver os valores depositados nela ou o día hábil anterior cando fose festivo.

Na maioría dos casos, se unha entidade entra en crise, os valores depositados nesta poderán ser transferidos a outra entidade.

Vexamos un exemplo:

Manuel ten 700 accións do BANCO “X” e 600 accións da EMPRESA “Z”, todas depositadas no BANCO “Y”, cun valor de 50.000 e 60.000 euros respectivamente na data na que se determinou que este BANCO “Y” non podía devolver os valores depositados.

Neste caso o importe cuberto polo FGD é de 100.000 € dado que o valor das accións depositadas no banco en crise é superior a esa cantidade.

E se os problemas son no Banco X?

A cobertura do FGD é de 0 € xa que o que cobre o FGD é a non devolución das accións depositadas no BANCO “Y”, e neste caso, non se produciu ningún problema no BANCO “Y”.

Nesta situación, as accións do Banco “X” tenderían a valer 0 € debido a que esta entidade é a que presenta problemas.

O FGD non garante a perda de valor de mercado dos valores financeiros.

Se ten máis de 100.000 €, o importe que exceda non o cobre o FGD e terá que ser reclamado dentro do procedemento concursal da súa entidade.

Non obstante, en determinados casos, o FGD pode chegar a garantir o importe total depositado.

Sempre que os depósitos fosen realizados nos tres meses anteriores á data na que se determine que a súa entidade non pode devolver os depósitos e que:

• procedan de transaccións con bens inmobles de natureza residencial e carácter privado.
• se deriven de pagamentos recibidos de forma puntual e vinculados ao matrimonio, ao divorcio, á xubilación, ao despedimento, á invalidez ou ao falecemento.
• ou estean baseados no pagamento de importes procedentes de seguros ou indemnizacións por prexuízos que sexan consecuencia dun delito ou erro xudicial.

O diñeiro nas sucursais en España de entidades de crédito doutros países da Unión Europea está garantido polo fondo de garantía de depósitos do país ao que pertenza a entidade, que, segundo a normativa comunitaria, debe ofrecer unha cobertura polo menos igual á do FGD.

Non obstante, para a súa tranquilidade, no caso de que a sucursal non poida devolverlle os seus cartos, será o FGD quen tramite os pagamentos en nome do fondo de garantía de depósitos do país ao que pertenza a entidade.

Por exemplo, se vostede é titular dunha conta nunha sucursal en España dun banco neerlandés, estará cuberto polo fondo de depósitos neerlandés, pero os trámites para recuperar o seu diñeiro ata o importe garantido realizaranse a través do FGD.

Os plans de pensións NON están cubertos polo FGD.

Para máis información sobre estes produtos, pode poñerse en contacto coa Dirección Xeral de Seguros e Fondos de Pensións.

O procedemento para obter o importe garantido é moi sinxelo.

Non necesitará facer ningunha reclamación nin lle suporá ningún gasto.

O FGD recibe da entidade de crédito afectada os datos dos seus clientes, incluíndo o importe que teñen depositado na entidade.

Igualmente, se se trata de depósitos nunha sucursal en España dunha entidade de crédito doutro país da Unión Europea, será o FGD quen tramite os pagamentos, seguindo as instrucións do fondo de garantía do país ao que está adherida a entidade.

Cos datos recibidos, o FGD porase en contacto con vostede mediante unha carta na que lle comunicará o importe que debe percibir.

Deberá confirmar, mediante carta ou a través da web do FGD, que está de acordo coa información recibida e facilitar ao FGD o IBAN dunha conta da que sexa titular (distinta da da entidade afectada) na que queira que se realice o reembolso.

Unha vez recibidos e verificados estes datos, o FGD procederá ao pagamento do importe garantido.

No caso dos depósitos monetarios, o prazo que ten o FGD para pagar os importes garantidos é de 7 días hábiles.

No caso dos depósitos de valores, o prazo que ten o FGD para pagar os importes garantidos é como máximo de 3 meses dende o momento no que se determine o importe que debe ser devolto ao depositante.

Les comunicacions de canvis de dades personals s’han de realitzar a la seva entitat de crèdit.

És important que tingui actualitzades totes les seves dades personals a l’entitat perquè el FGD es pugui posar en contacte amb vostè en cas que li hagi de pagar imports garantits.

(Nom complet, adreça, número de telèfon i correu electrònic).

Vexamos algúns EXEMPLOS:
Sonia é titular única dunha conta corrente cun saldo de 38.000 €. Polo tanto, a Sonia o FGD cúbrella con 38.000 €.

David é titular único de dúas contas correntes na mesma entidade financeira cun saldo de 65.000 € en cada unha, 130.000 € en total. Polo tanto, a David o FGD cúbrello con 100.000 €.

Guillermo e Paloma teñen unha conta corrente conxunta con 150.000 € (son titulares ao 50%, é dicir, 75.000 € cada un). Polo tanto, o FGD cúbrelles 75.000 € a Guillermo e 75.000 € a Paloma.

Antonio e Javier teñen unha conta corrente conxunta con 300.000 € (son titulares ao 50%, é dicir, 150.000 € cada un). Polo tanto, o FGD cúbrelles 100.000 € a Antonio e 100.000 € a Javier.

María é titular única dunha conta corrente con 105.000 €, ademais, na conta está Laura como autorizada. Neste caso, o FGD cúbrelle a María 100.000 €, xa que as persoas autorizadas non son obxecto de cobertura por parte do FGD.

Carmen é titular única dunha conta corrente con 25.000 € e ten unha conta conxunta con Sergio con 140.000 € (son titulares ao 50%, é dicir, 70.000 € cada un). Polo tanto, o FGD cúbrelles 95.000 € a Carmen e 70.000 € a Sergio.

Esther é titular única dunha conta corrente con 60.000 € e ten unha conta conxunta con Mario con 140.000 € (son titulares ao 50%, é dicir, 70.000 € cada un). Polo tanto, o FGD cúbrelles 100.000 € a Esther e 70.000 € a Mario.

Os depósitos nunha conta realizados por comunidades de bens, comunidades de propietarios ou nunha conta sobre a que teñan dereitos dúas ou máis persoas como socios ou membros dunha sociedade, unha asociación ou calquera agrupación parecida, sen personalidade xurídica, considéranse como se fosen propiedade dun único titular para calcular o límite de 100.000 €.

Vexamos un EXEMPLO.
Unha persoa é titular dunha conta corrente na entidade de crédito afectada e ten un saldo de 70.000 €. Ademais, forma parte dunha comunidade de propietarios. Esta comunidade é titular dunha conta con 180.000 €.

O importe cuberto polo FGD á persoa individualmente sería de 70.000 €.
E 100.000 € á Comunidade de Propietarios, ao ser o importe máximo por titular e entidade cuberto polo FGD.

Se unha entidade opera baixo diferentes marcas comerciais, debe informar os seus clientes deste feito.

A cobertura do FGD aplícase á suma de todos os depósitos na entidade de crédito, tendo en conta todas as marcas comerciais que utilice.

Se ten dúbidas, fale coa súa oficina ou consulte na páxina web da súa entidade.

No caso de que a fusión se completase e, por tanto, só exista legalmente unha entidade de crédito resultante da fusión, a compensación do FGD ten o límite de 100.000 € para todo o diñeiro que teña na entidade de crédito resultante da fusión.

As entidades de crédito deben informar os seus clientes polo menos un mes antes de que a operación teña efecto legal.

Os clientes disporán dun prazo de tres meses tras a notificación da fusión para retirar ou transferir os seus depósitos garantidos a outra entidade de crédito, sen custes.

Si. O FGD cumpre con todos os requisitos de solvencia establecidos legalmente.

O FGD obtén os seus recursos das achegas anuais de todas as entidades de crédito adheridas.

Isto permite facer fronte ás posibles crises de entidades e asegurar o reembolso dos depósitos garantidos, ofrecendo unha maior seguridade e tranquilidade aos titulares de depósitos en entidades de crédito.

Ademais, en caso de necesidade, o FGD poderá acordar que as entidades de crédito adheridas realicen achegas extraordinarias, e tamén poderá pedir préstamos, obter diñeiro nos mercados de valores ou realizar outras operacións de endebedamento.

Todo, co obxectivo de garantir aos depositantes os seus cartos.