European Forum of Deposit Insurers EFDI
EFDI, European Forum of Deposit Insurers é a asociación de fondos de ámbito europeo. A súa misión e contribuír á estabilidade financeira dende a cooperación entre os seus membros, con identificación das mellores prácticas.
A colaboración do FGD realízase en dous niveis: por un lado conta con representación nos órganos de goberno e dirección, ambos electivos; e por outro participa en distintos grupos de traballo e debate. Neste último eido destacan os establecidos: a) co obxectivo de identificar as distintas prácticas observadas entre fondos das probas de resistencia que realizan dos seus sistemas e procesos; b) co ánimo de analizar aspectos relativos ó desenvolvemento e establecemento da Unión Bancaria, incluídos os relacionados co papel dos fondos como mecanismos para unha eficiente xestión de crise bancaria ou as derivadas dun establecemento futuro dun fondo Único Europeo de Garantía de Depósitos ou Terceiro Pilar, e c) co propósito de preparar ós fondos na cooperación internacional en caso de evento de pago dunha entidade establecida en máis dun Estado Membro da UE.
International Association of Deposit Insurers IADI
IADI, International Association of Deposit Insurers, É unha asociación integrada por representantes de Fondos de Garantía de Depósitos dos cinco continentes. A misión de IADI é contribuír á mellora da efectividade dos sistemas de garantía de depósitos promovendo asistencia e fomentando a cooperación internacional. Para isto, unha das súas principais funcións é a emisión de principios básicos (Principios Básicos para Sistemas de Seguro de Depósitos Eficaces) e asistencia técnica para a súa implementación.
O FGD participa en IADI dende 2019 e conta na actualidade con representación no seu órgano executivo de dirección, xunto a un máximo de 24 representantes de outros fondos; e por outro participa en distintos comités técnicos de traballo, entre outros o establecido por IADI para a promoción e revisión dos Principios Básicos.
Adicionalmente, o FGD presta asistencia técnica puntualmente, baixo o liderado do IADI, a xurisdicións extracomunitarias no marco de asesoramento técnico que promove a Asociación, co obxectivo de contribuír ó establecemento de fondos de garantía de depósitos en xurisdicións onde se prevé a súa creación ou o seu desenvolvemento atópase en fase embrionaria.
